📜 Etika e xhumasë.
▪️Të falet namazi i Sabahut me xhemmat. Ka ardhur në hadith (kuptimi shqip):
“Namazi më i mirë është namazi i Sabahut ditën e Xhuma me xhemmat.”
📚Transmetuar nga Ebu Nu’ajm në “El-Hiljetul-Eulije”. E ka saktësuar shejkh el-Albanij, Allahu e mëshiroftë, në “Es-Sahihah”, 1566.
▪️Të pastrohet personi përpara se të niset për namaz me pastrim të plotë (Gusl). Kanë ardhur transmetime për këtë.
▪️Të vesh rrobat me të bukura që posedon.
▪️Të vendos aromë të këndshme nga parfumi.
▪️Të shkojë herët për në namaz dhe kur të mbërrijë të falet aq sa don Allahu.
▪️Kur të fillojë Khutbeja të dëgjojë me vëmendje dhe të mos veprojë diçka që ia largon vëmendjen.
▪️Pas namazit të fal 2 apo 4 rekate, varësisht a i fal në shtëpi (2) apo në xhami (4).
Siç ka ardhur transmetim për këtë.
▪️Kur të kthehet në shtëpi t’ua përcjellë fjalët e mira që ka dëgjuar nga Khutbeja.
▪️Të dërgojë sa më shumë Salavate mbi të dërguarin e Allahut, lëvdata dhe bekimet e Allahut qofshin mbi të.
▪️Të lexojë suren el-Kehf. Në bazë të transmetimeve që kanë ardhur për këtë.
E të tjera.
Allahu e di më së miri. Falënderimi i takon Zotit të botëve.
Elton Arifi 